राष्ट्रको सर्वाङ्गीण विकासको पूर्वाधार नै विज्ञान र प्रविधि हो । देश विकासको लागि महत्वपूर्ण पाटोका रूपमा रहेको विज्ञान र प्रविधिसँग सम्बन्धित वैज्ञानिक एवं प्राविधिकहरूको बारेमा जानकारी उपलब्ध हुनु आजको आवश्यकता हो । बदलिँदो परिस्थिति अनुसार राष्ट्र निर्माणका सन्दर्भमा चाहिने आवश्यक नेपाली विज्ञहरू स्वदेश वा विदेशमा हुनसक्छन् । यसै सन्दर्भलाई दृष्टिगत गरी यस प्रज्ञा–प्रतिष्ठानले नेपाल सरकारको आवश्यकता अनुसार विज्ञ जनशक्तिको बारेमा तत्काल जानकारी सहज तरिकाले उपलब्ध गराउने उद्देश्य सहित विद्यावारिधि गरेका विज्ञहरूको जानकारी सहितको डाइरेक्टरी प्रकाशन गरे पश्चात् विज्ञान तथा प्रविधि विषयमा स्नातकोत्तर गरेका विज्ञहरूको पनि तथ्याङ्क संकलन गरी Who is Who in Science, Technology and Innovation of Nepal (Master's Degree) नामक डाइरेक्टरी प्रकाशन गर्न लागेको हो ।

स्वदेश वा विदेशमा रहेर विज्ञान र प्रविधिसँग सम्बन्धित विषयमा स्नातकोत्तर तह उतीर्ण गरिसकेका नेपाली वैज्ञानिक एवं प्राविधिकहरूको आवश्यक तथ्याङ्क संकलनार्थ तयार गरिएको अनलाइन डाटा वेस प्रणालीमा उल्लेख भए बमोजिम आफ्नो विवरण उपलब्ध गराई सहयोग गरिदिनु हुन हार्दिक अनुरोध गर्दछौ ।